പെപ്പറേസിയേ (Piperaceae) എന്ന സസ്യകുടുംബത്തിലെ പെപ്പെര് (Pepper) എന്ന ജനുസ്സില്പ്പെട്ട ഒരു പ്രധാന അംഗമാണ് പൈപ്പര് നൈഗ്രം (Piper nigrum) എന്ന ശാസ്ത്രനാമത്തില് അറിയപ്പെടുന്ന കുരുമുളക്.
താങ്ങുകാലില് പറ്റിപ്പിടിച്ചു കയറുന്ന ഒരു വള്ളിച്ചെടിയാണ് കുരുമുളക്. ഓരോ മുട്ടില് നിന്നും പുറപ്പെടുന്ന പറ്റു വേരുകള് ഉപയോഗിച്ചാണ് കുരുമുളക് താങ്ങു മരത്തില് കയറുന്നത്. സാഹചര്യങ്ങള് അനുകൂലമാണെങ്കില് 15 മുതല് 20 മീറ്റര് വരെ ഉയരത്തില് കുരുമുളക് വള്ളി കയറും. എന്നാല് കൃഷിയിടങ്ങളില് മുളകു പറിക്കാനുള്ള സൗകര്യം കണക്കാക്കി കൊടിയുടെ പൊക്കം ആറു മീറ്ററില് കവിയാതെ ക്രെമീകരിക്കുന്നു.
മുളകുമണികള്
കുരുമുളക് മണികള്ക്ക് സാധാരണ 4 – 6 മില്ലീമീറ്റര് വലിപ്പം ഉണ്ടാകും. തിരിവന്നു കഴിഞ്ഞാല് ഉദ്ദേശം 6 – 8 മാസം കൊണ്ട് വിളവെടുക്കാവുന്നതാണ്. പഴുത്ത മണികള്ക്ക് ചുവപ്പ് - ഓറഞ്ചു അല്ലെങ്കില് മഞ്ഞ നിറമായിരിക്കും.
ചൂടും ഈര്പ്പവുമുള്ള കാലാവസ്ഥയാണ് കുരുമുളക് കൃഷിക്ക് യോജിച്ചത്. ശരിയായ വളര്ച്ചയ്ക്ക് വര്ഷത്തില് 250 സെ.മീ. മഴ ആവശ്യമാണ്. ഇതിലും കുറവ് മഴ ലഭിക്കുന്ന പ്രദേശങ്ങളിലും വളര്ച്ചയുടെ അവശ്യഘട്ടങ്ങളില് മഴ ലഭിക്കുമെന്നുണ്ടെങ്കില് കുരുമുളക് കൃഷി ചെയ്യാം. നട്ട് 20 ദിവസത്തിനുള്ളില് 70 മി.മീറ്റര് മഴ ലഭിച്ചാല് തളിരിടുന്നതിനും പൂവിരിയുന്നതിനും സഹായകമാകും. പക്ഷേ ഒരിക്കല് പൂവിടാന് തുടങ്ങിയാല് കായ് പിടിക്കുന്നതുവരെ കുറഞ്ഞ തോതിലെങ്കിലും തുടര്ച്ചയായി മഴ ലഭിക്കേണ്ടതുണ്ട്. ഇതിനിടയില് കുറച്ചു ദിവസങ്ങളുടെ വരള്ച്ചപോലും ഗണ്യമായ വിള നഷ്ടമുണ്ടാക്കും. നീണ്ട വരള്ച്ച ചെടിയുടെ വളര്ച്ചയെതന്നെ ബാധിക്കും. കുരുമുളകിന് 10 ഡിഗ്രി വരെ കുറഞ്ഞ ചൂടും 40 ഡിഗ്രി വരെയുള്ള കൂടിയ ചൂടും താങ്ങാനാകുമെങ്കിലും 20 മുതല് 30 ഡിഗ്രി വരെയുള്ള താപനിലയാണ് ഏറ്റവും അനുയോജ്യം. സമുദ്ര നിരപ്പില് നിന്ന് 1200 മീറ്റര് ഉയരത്തില് വരെ വളരുമെങ്കിലും കുരുമുളക് കൃഷിക്ക് കൂടുതല് ചേരുന്നത് ഉയരം കുറവുള്ള പ്രദേശങ്ങളാണ്.
നല്ല നീര്വാര്ച്ചയും ധാരാളം ജൈവാംശവുമുള്ള മണ്ണാണ് ഇതിന്റെ കൃഷിക്ക് ആവശ്യം. മണ്ണില് കുറച്ചു നാളത്തേയ്ക്കുണ്ടാകുന്ന വെള്ളക്കെട്ടുപോലും ചെടിക്ക് ദോഷം ചെയ്യും.
അല്പം ചെരിവുള്ള സ്ഥലങ്ങളാണ് കൃഷിക്ക് ഏറ്റവും നല്ലത്. മണ്ണിന്റെ നീര്വാര്ച്ച ഉറപ്പാക്കുന്നതിന് ഇത് സഹായിക്കും. തെക്കോട്ടുള്ള ചെരിവുകള് ഒഴിവാക്കണം. അല്ലെങ്കില് ശക്തിയായ വെയിലില് നിന്നും വള്ളികള്ക്ക് ആവശ്യമായ സംരക്ഷണം നല്കേണ്ടിവരും.
കുരുമുളകിനങ്ങളെ വേര്തിരിക്കുന്ന പ്രധാന സ്വഭാവങ്ങള് ഇലകളുടേയും തിരികളുടേയും കുരുമുളകുമണികളുടേയും ആകൃതി, നിറം, വലിപ്പം എന്നിവയാണ്. ഇലഞരമ്പുകളുടെ വിന്യാസം, തിരികളിലുണ്ടാകുന്ന വിവിധ തരം പൂക്കളുടെ ശതമാനം, മുട്ടുകള്ക്കിടയിലെ അകലം എന്നിവയും ഇനങ്ങളെ തിരിച്ചറിയാനുള്ള സ്വഭാവങ്ങളാണ്.
കേരളത്തില് കൃഷിചെയ്യുന്ന ഇനങ്ങള്
സംസ്ഥാനത്തിന്റെ വിവിധ ഭാഗങ്ങളില് കാണുന്ന നൂറിലധികം കുരുമുളകിനങ്ങളില് താഴെപ്പറയുന്നവയാണ് വിപുലമായി കൃഷി ചെയ്യപ്പെടുന്നവ.
|
1. കല്ലുവള്ളി |
17. കുതിരവാലി |
|
2. ബാലന്കൊട്ട |
18. കൊറ്റനാടന് |
|
3. ഉതിരന്കൊട്ട |
19. പടര്പ്പന് |
|
4. ചെറിയകൊടി |
20. കരിവിലാഞ്ചി |
|
5. വള്ളി |
21. തേവര്മുണ്ടി |
|
6. കരിംകൊട്ട |
22. നീലിമുണ്ടി |
|
7. കരിവള്ളി |
23. അയ്മ്പിരിയന് |
|
8. കരിമുണ്ട |
24. അരിക്കൊറ്റനാടന് |
|
9. അറക്കുളം മുണ്ട |
25. അരിവള്ളി |
|
10. പൂഞ്ഞാര് മുണ്ട |
26. പെരുംകൊടി |
|
11. മുണ്ട |
27. വെള്ള നാമ്പന് |
|
12. മുണ്ടി |
28. ചുമല |
|
13. നാരായക്കൊടി |
29. ചോല |
|
14. കാണിയക്കാടന് |
30. ജീരക മുണ്ട |
|
15. ചെറിയ കാണിയക്കാടന് |
31. കുംഭക്കൊടി |
|
16. വലിയ കാണിയക്കാടന് |
32. തുലാക്കൊടി |
കര്ണ്ണാടക സംസ്ഥാനത്ത് കൃഷിചെയ്യപ്പെടുന്ന ഇനങ്ങളില് മുഖ്യം സുള്ളിയ, മല്ലിഗേസര, ഡോഡിക എന്നിവയാണ്.
കേരളത്തിലെ നാടന് ഇനങ്ങളില് ഉത്പാദനക്ഷമതയില് മുന്നിട്ടു നില്ക്കുന്ന ഇനങ്ങളില് കരിമുണ്ട, കൊറ്റനാടന്, കുതിരവാലി, പൂഞ്ഞാര്മുണ്ട, അറക്കുളം മുണ്ട, നാരായക്കൊടി, ബാലന് കൊട്ട, കല്ലുവള്ളി, തേവര്മുണ്ടി, അയ്മ്പിരിയന് എന്നിവയാണ് അവയില് മുഖ്യം.
കരിമുണ്ട
തിരുവിതാംകൂറിലെ മീനച്ചില് താലൂക്കില് പണ്ടു മുതല് കൃഷി ചെയ്തുവരുന്ന ഒരിനമാണിത്. സ്ഥിരമായി നല്ല വിളവ് തരുന്നു.
കൊറ്റനാടന്
നെടുമങ്ങാട്ടു ഭാഗത്ത് സാധാരണയായി കൃഷി ചെയ്തുവരുന്നതും നല്ല ഗൂണനിലവാരമുള്ളതുമായ ഇനമാണിത്. ഉണക്കമുളകിന്റെ ശതമാനം കൂടുതലാണ്. ഇടവിളയായി കൃഷിചെയ്യുമ്പോള് മെച്ചപ്പെട്ട വിളവ് തരുന്നതായി കണ്ടിട്ടുണ്ട്. കമുകിന്തോപ്പില് ഇടവിള കൃഷിക്ക് പറ്റിയ ഇനമാണ്.
കുതിരവാലി
സ്ഥിരമായി നല്ല വിളവു തരുന്നതും ഗുണമേന്മയുള്ളതുമായ ഒരു ഇനമാണിത്.
നാരായക്കൊടി
മദ്ധ്യതിരുവിതാംകൂറില് കൃഷി ചെയുതുവരുന്ന ഒരിനമാണിത്. ഇടത്തരം ഉത്പാദനശേഷിയുള്ളതും പ്രതികൂല സാഹചര്യങ്ങളെ അതിജീവിക്കാന് കഴിവുള്ളതുമാണ്. സമുദ്രനിരപ്പില് നിന്ന് വ്യത്യസ്ത ഉയരങ്ങളിലുള്ള സ്ഥലങ്ങലില് കൃഷിചെയ്യാം. ദ്രുതവാട്ടത്തെ ചെറിയ തോതില് ചെറുക്കുന്നു.
അയ്മ്പിരിയന്
വയനാട്ടിലെ ഒരു പ്രധാന ഇനമാണ്. നല്ല വിളവ് തരുന്നു. കുടകിലും ഈ ഇനം സാധാരണ കാണപ്പെടുന്നു.
ബാലന്കൊട്ട
വടക്കന് കേരളത്തിന്റെ ഒരിനമാണിത്. നന്നായി തഴച്ചുവളരുന്നു. ഇടത്തരം ഉത്പാദനക്ഷമതയുള്ള ഒരിനമാണ്. 30 ശതമാനം ഉണക്കമുളക് ലഭിക്കും.
കാണിയക്കാടന്
കൊല്ലം, കോട്ടയം ജില്ലകളുടെ കിഴക്കന് മലയോരങ്ങളില് സാധാരണ കൃഷിചെയ്യുന്ന ഇനമാണ്. ചെറിയ കാണിയക്കാടന്, വലിയ കാണിയക്കാടന്, കറുത്ത കാണിയക്കാടന്, വെളുത്ത കാണിയക്കാടന് ഇവയാണ് വിവിധ തരങ്ങള്. സ്ഥിരമായി വിളവു തരുന്ന ഇനമാണ് കാണിയക്കാടന്. 30 ശതമാനം ഉണക്കമുളക് കിട്ടുന്നു.
അറക്കുളം മുണ്ട
ഇടുക്കി ഭാഗത്ത് സാധാരണ കൃഷിചെയ്യുന്ന ഇനമാണിത്. സ്ഥിരമായി നല്ല വിളവു തരുന്ന ഇനമാണ്. വടക്കന് കേരളത്തിലെ കുടിയേറ്റക്കാരും ഈ ഇനം സാധാരണയായി കൃഷിചെയ്യാറുണ്ട്.
നീലമുണ്ടി
ഇടത്തരം ഉത്പാദനശേഷിയുള്ള ഒരിനമാണിത്. നല്ലതുപോലെ തഴച്ചുവളരുന്നു.
കുറ്റിക്കുരുമുളക് (ബുഷ് പെപ്പര്)
താങ്ങുകാലിന്റെ സഹായമില്ലാതെ ചെടിച്ചട്ടികളില് വളര്ത്തുന്നതാണ് കുറ്റിക്കുരുമുളക്. പാര്ശ്വശാഖകള് വേരുപിടിപ്പിച്ചാണ് കുറ്റിക്കുരുമുളകുണ്ടാക്കുന്നത്. ഒരു വര്ഷം പ്രായമായ ശാഖകളാണ് ഇതിനുത്തമം. മൂന്നു മുതല് അഞ്ച് വരെ മുട്ടുകളുള്ള പാര്ശ്വശാഖകള് മുറിച്ചെടുത്ത് 1000 പി.പി.എം. വീര്യമുള്ള ഇന്ഡോള്-3 ബ്യൂട്ടിറിക് ആസിഡ് (IBA) ലായനിയില് 45 സെക്കന്റ് നേരം മുക്കിവച്ചതിനുശേഷം പോട്ടിംഗ് മിശ്രിതം നിറച്ച കവറുകളില് നടാം. പാര്ശ്വശാഖകള്ക്ക് വേരുപിടിക്കാന് ബുദ്ധിമുട്ടാണ്. നട്ടതിന്റെ 20 ശതമാനത്തോളം കമ്പുകളെ വേരുപിടിക്കാറുള്ളു. ഏപ്രില്, മെയ് മാസങ്ങളാണ് കുറ്റിക്കുരുമുളക് വേരുപിടിപ്പിക്കാന് നല്ല സമയം. വേരുപിടിപ്പിച്ച കമ്പുകള് 3-4 എണ്ണം വീതം കുഴികളിലോ ചട്ടികളിലോ നടാം. നട്ട് ഒരു വര്ഷത്തിനകം തന്നെ പുഷ്പിക്കുകയും വിളവുതരികയും ചെയ്യുന്നു.
അത്യുല്പാദനശേഷിയുള്ള ഇനങ്ങള്
കേരള കാര്ഷിക സര്വകലാശാലയുടെ പന്നിയൂരിലെ കുരുമുളകു ഗവേഷണ കേന്ദ്രത്തില് ഉരുത്തിരിച്ചെടുത്തിട്ടുള്ളവയാണ് പന്നിയൂര് 1 മുതല് 5 വരെയുള്ള ഇനങ്ങള്. ഇതുകൂടാതെ കോഴിക്കോടുള്ള ഇന്ത്യന് സുഗന്ധവിള ഗവേഷണ ഇന്സ്റ്റിറ്റ്യൂട്ട് നാല് ഇനങ്ങളും സി.പി.സി.ആര്.ഐ.യുടെ പാലോടുള്ള ഗവേഷണകേന്ദ്രം ഒരു ഇനവും പുറത്തിറക്കിയിട്ടുണ്ട്. ഈ പുതിയ ഇനങ്ങളുടെ സവിശേഷതകള് പട്ടികയില് കൊടുക്കുന്നു.
|
ഇനം |
പൈതൃകം |
പ്രത്യേകതകള് |
ശരാരി വിളവ് കി/ഹെ (ഉണക്കമുളക്) |
ഉല്പാദന ക്ഷമത(അനുകൂല സാഹചര്യങ്ങളില് ഏറ്റവും കൂടിയ വിളവ്) കി/ ഹെ ഉണക്കമുളക് |
|---|---|---|---|---|
|
പന്നിയൂര് 1 |
ഉതിരന്കൊട്ട, ചെറിയ കാണിയക്കാടന് |
തണല് കൂടുമ്പോള് വിളവ് കുറയുന്നു |
1242 |
8800 |
|
പന്നിയൂര് 2 |
ബാലന് കൊട്ടയുടെ പരപരാഗണം നടന്ന വിത്തുകള് |
തണലില് വിളവ് കുറയുന്നില്ല |
2570 |
3313 |
|
പന്നിയൂര് 3 |
ഉതിരന്കൊട്ട ചെറിയ കാണിയക്കാടന് |
നീണ്ട തിരികളും വലിയ മണികളും തണലില് വിളവ് കുറയുന്നു |
1953 |
3269 |
|
പന്നിയൂര് 4 |
കുതിരവാലി ഇനങ്ങളില് നിന്നും തെരഞ്ഞെടുത്ത തരം |
പ്രതികൂല കാലാവസ്ഥയിലും വിളവ് കുറയുന്നില്ല |
1277 |
2443 |
|
പന്നിയൂര് 5 |
പെരും കൊടിയുടെ പരപരാഗണം നടന്ന വിത്തുകള് |
പ്രതികൂല കാലാവസ്ഥയിലും വിളവ് കുറയുന്നില്ല |
1250 |
- |
|
പന്നിയൂര് 6 |
കരിമുണ്ട |
രോഗപ്രതിരോധശേഷിയുള്ള ഇനം |
2127 |
3359 |
|
പന്നിയൂര് 7 |
കല്ലുവള്ളിയുടെ പരപരാഗണം നടത്തുന്ന വിത്തുകള് |
വെയിലത്തും തണലത്തും നല്ല വിളവ് തരും. നീണ്ട തിരികളും കൂടിയ അളവിലുള്ള പൈപ്പറിനും |
1410 |
2770 |
|
ശ്രീകര |
കരിമുണ്ട ഇനങ്ങളില് നിന്നും തെരഞ്ഞെടുത്ത ഇനം |
വരള്ച്ചയെ ചെറുക്കുുന്നു |
2352 |
487 |
|
ശുഭകര |
വരള്ച്ചയെ ചെറുക്കുുന്നു |
2677 |
4200 |
|
|
പഞ്ചമി |
അയ്മ്പിരിയന് ഇനങ്ങളില് നിന്ന് തിരഞ്ഞെടുത്ത ഇനം |
വരള്ച്ചയെ ചെറുക്കുുന്നു |
2828 |
6528 |
|
പൗര്ണ്ണമി |
ഒറ്റപ്ലാക്കന് ഇനങ്ങളില് നിന്ന് തിരഞ്ഞെടുത്ത ഇനം |
നിമാ വിരയുടെ ആക്രമണത്തെ ചെറുക്കുന്നു |
2333 |
5356 |
|
പാലോട് 2 |
കൊറ്റനാടന് ഇനങ്ങളില് നിന്ന് തിരഞ്ഞെടുത്ത ഇനം |
കൊല്ലം, തിരുവനന്തപുരം ജില്ലകളില് കൃഷി ചെയ്യാന് യോജിച്ചത് |
2475 |
- |
|
ഇനം |
വള്ളി ഒന്നിന് പച്ചമുളക് (കി) |
ഉണക്ക്(%) |
പൈപ്പറിന് (%) |
ഒളിയോെറസിന് (%) |
ബാഷ്പശീല തൈലം(%) |
ഉരുത്തിരിച്ചെടുത്ത ഗവേഷണ കേന്ദ്രം |
|---|---|---|---|---|---|---|
|
പന്നിയൂര് 1 |
5 |
35.3 |
5.3 |
11.8 |
3.5 |
K.A.U |
|
പന്നിയൂര് 2 |
4.5 |
35.7 |
6.6 |
10.9 |
3.4 |
“ |
|
പന്നിയൂര് 3 |
4.4 |
27.8 |
5.2 |
12.7 |
3.17 |
“ |
|
പന്നിയൂര് 4 |
2.3 |
34.7 |
5.0 |
9.2 |
3.12 |
“ |
|
പന്നിയൂര് 5 |
3.19 |
35.71 |
5.3 |
12.33 |
3.8 |
“ |
|
ശ്രീകര |
4.2 |
35.55 |
3.4 |
12.0 |
6.0 |
Indian Institute of Spices Research |
|
ശുഭകര |
4.8 |
35 |
5.1 |
13.0 |
7.0 |
“ |
|
പഞ്ചമി |
5.2 |
34 |
4.7 |
12.5 |
3.4 |
“ |
|
പൗര്ണ്ണമി |
4.7 |
31 |
4.1 |
13.8 |
3.4 |
“ |
|
പാലോട് 2 |
3.3 |
15.5 |
4.8 |
സി. പി. സി. ആര്.ഐ പാലോട് |
കുരുമുളകു നടാന് ഏറ്റവും പറ്റിയ സമയം ജൂണ് അവസാനം മുതല് ജൂലൈ ആദ്യ പകുതി വരെയുള്ള കാലമാണ്. ഈ സമയത്ത് വള്ളികള് മുറിച്ചു നട്ടാല് മഴക്കാലം തീരും മുമ്പ് ചെടികള് വേരുപിടിച്ചു കിട്ടും.
മാതൃസസ്യം തെരഞ്ഞെടുക്കല്
സ്ഥിരമായി നല്ല വിളവുതരുന്നതും നല്ല പുഷ്ടിയോടെ വളരുന്നതും, നല്ല തിരിപിടുത്തം, നീളം കൂടിയ തിരികള്, നല്ല മണിപിടുത്തം, ഭാരവും വലിപ്പവും കൂടിയ മണികള്, നല്ല ഉണക്ക് ശതമാനം, സര്വ്വോപരി രോഗങ്ങള്ക്ക്, പ്രധാനമായും ദ്രുതവാട്ടത്തിന്, വേഗം വശംവദമാകാതിരിക്കാനുള്ള കഴിവ് ഇതാണ് നല്ല മാതൃസസ്യത്തിനുണ്ടായിരിക്കേണ്ട ഗുണങ്ങള്. 5 മുതല് 12വയസുവരെ പ്രായമുള്ള വള്ളികളാണ് മാതൃസസ്യമായി തെരഞ്ഞെടുക്കാന് ഉത്തമം. ഒക്ടോബര്-ഡിസംബര് മാസങ്ങളില് മുളക് വിളഞ്ഞ് പഴുക്കാന് ആരംഭിക്കുമ്പോഴാണ് മാതൃസസ്യം തെരഞ്ഞെടുക്കാന് പറ്റിയ സമയം.
വള്ളികള് വേരുപിടിപ്പിക്കല്
ചെന്തലകളാണ് സാധാരണയായി വേരു പിടിപ്പിക്കാന് ഉപയോഗിക്കുന്നത്. വേരുപിടിപ്പിക്കാന് എടുക്കുന്ന ചെന്തലകള് മണ്ണില് ഇഴഞ്ഞ് വേരു പിടിക്കാതിരിക്കാന് ശ്രദ്ധിക്കണം. ഒരു തവണ വേരു പിടിച്ച തലകള് വീണ്ടും വേരുപിടിക്കാന് വിഷമമാണ്. തണ്ടുകള് മണ്ണിലിഴഞ്ഞ് വേരുപിടിക്കാതിരിക്കാന് കവരയുള്ള കമ്പുകള് ചെടിയുടെ സമീപം നാട്ടി ചെന്തലകള് അതില് ചുറ്റിവെക്കണം. ഫെബ്രുവരി-മാര്ച്ച് മാസങ്ങളില് ഈ തലകള് മുറിച്ചെടുത്ത് നടാം. മൂപ്പു കുറഞ്ഞ അഗ്രഭാഗവും മൂപ്പു കൂടിയ കടഭാഗവും നീക്കം ചെയ്യേണ്ടതാണ്. നടാനുള്ള വള്ളികളില് നിന്ന് ഇലകള് നീക്കം ചെയ്യണം. ഇലഞെട്ട് അല്പം ബാക്കി നിര്ത്തി വേണം ഇലകള് മുറിച്ചുകളയുവാന്. വള്ളികള് രണ്ടു മൂന്ന് മുട്ടുകളുള്ള തണ്ടുകളായി മുറിച്ചെടുക്കുക. തണ്ടിന്റെ അടിവശം (ഉദ്ദേശം 2 സെ.മീ.) 1000 വീര്യമുള്ള ഇന്ഡോള് 3 ബ്യൂട്ടിറിക് ആസിഡ് (IBA)ലായനിയില്ڔ45 സെക്കന്റ് നേരം മുക്കി വെച്ചതിനുശേഷം വേണം നടാന്. ഒരു ഗ്രാംIBA ,ڔ3-5ڔഗ്രാം സോഡിയം കാര്ബണേറ്റു കലര്ന്ന ഒരു ലിറ്റര് വെള്ളത്തില് ലയിപ്പിക്കുക. ഈ ലായനിയിലാണ് തണ്ടുകള് മുക്കേണ്ടത്. ഇങ്ങനെ ചെയ്യുന്നത് ധാരാളം കരുത്തുള്ള വേരുകള് വരാന് സഹായിക്കും. ഫെബ്രുവരി, മാര്ച്ച് മാസങ്ങളില് മുറിച്ച് നടുന്ന തണ്ടുകള് മെയ്-ജൂണ് മാസത്തോടെ നല്ലവണ്ണം വേരുകള് വളര്് തോട്ടത്തില് നടാന് പാകമായിരിക്കും.
നടീല്വസ്തു വളരെയധികം ആവശ്യമായി വരുന്നു എന്നത് ഈ സമ്പ്രദായത്തിന്റെ മറ്റൊരു ന്യൂനതയാണ്.
പോട്ടിംഗ് മിശ്രിതം
ഒരു ഭാഗം മേല്മണ്ണും ഒരു ഭാഗം മണലും ഒരു ഭാഗം കാലിവളവും ചേര്ന്ന മിശ്രിതമാണ് കവര് നിറയ്ക്കാന് ഉപയോഗിക്കുന്നത്. മിശ്രിതത്തില് വലിയ കട്ടകളും ചരലും ഇല്ലാതെ നോക്കണം. നല്ല വളക്കൂറുള്ള മണ്ണാണെങ്കില് 2:1:1 എന്ന അനുപാതത്തില് മണ്ണും മണലും ചാണകപ്പൊടിയും എടുത്താല് മതിയാകും. മിശ്രിതം പതുക്കെ നനച്ചു കൊടുക്കുന്നത് നന്നായിരിക്കും.
സൗരോര്ജ്ജീകരണം (Solarisation)
തയ്യാറാക്കിയ പോട്ടിംഗ് മിശ്രിതം നല്ല തുറസ്സായ, നല്ലവണ്ണം വെയില് ലഭിക്കുന്ന സ്ഥലത്ത് 15-20 സെ.മീ.ഘനത്തില് പരത്തിയിടുക. ഒരു പൂവാളികൊണ്ട് മിശ്രിതം നനച്ചുകൊടുക്കുക. അതിനുശേഷം 100-150 ഗേജുള്ള സുതാര്യമായ പോളിത്തീന് ഷീറ്റു കൊണ്ട് മിശ്രിതം മൂടിയിടുക. ഷീറ്റിന്റെ വശങ്ങള് മണ്ണുപയോഗിച്ചു നല്ലവണ്ണം സീല് ചെയ്യണം. അകത്തെ മിശ്രിതത്തില് നിന്ന് താപനഷ്ടം ഉണ്ടാകാതിരിക്കാനാണിത്. നല്ല വെയിലുള്ള സമയത്ത് 20-30 ദിവസം പോട്ടിംഗ് മിശ്രിതം സൗരോര്ജ്ജീകരിക്കുക. ഇങ്ങനെ അണുവിമുക്തമാക്കിയ പോട്ടിംഗ് മിശ്രിതം കവര് നിറക്കാന് ഉപയോഗിക്കാം.ڔമണ്ണിലെ അണുബാധ ഒഴിവാക്കാന് സൗരോര്ജ്ജീകരണം സഹായിക്കും.
കൂടതൈകള് നടല്
20 സെ.മീറ്റര് നീളവും (ഉയരം) 15 സെ.മീറ്റര് വീതിയുമുള്ള പോളിത്തീന് കവറുകളാണ് കുരുമുളക് നടാന് ഉപയോഗിക്കുന്നത്. കവറില് നടുന്ന തണ്ടുകളുടെ എണ്ണത്തിനനുസരിച്ച് കവറിന്റെ വീതിയില് അല്പം വ്യത്യാസം വരുത്താം. കവറിന്റെ താഴത്തെ പകുതിയില് 15-20 ദ്വാരങ്ങള് ഉണ്ടാക്കണം. ഇങ്ങനെ തയ്യാറാക്കിയ കവറുകളില് പോട്ടിംഗ് മിശ്രിതം കവറില് നന്നായി അമര്ത്തി നിറക്കണം. മണ്ണ് അയഞ്ഞിരുന്നാല് തണ്ടുകള് ചീഞ്ഞുപോകാന് സാദ്ധ്യത കൂടുതലാണ്. ഇങ്ങനെ നന്നായി പോട്ടിംഗ് മിശ്രിതം നിറച്ച കവറുകളില് അറ്റം കൂര്പ്പിച്ച ഒരു കമ്പ് ഉപയോഗിച്ച് ചെറിയ കുഴികള് ഉണ്ടാക്കണം. കുരുമുളകിന്റെ തയ്യാറാക്കിയ തണ്ടുകള് ഈ കുഴികളില് നടാം. നട്ട തണ്ടുകള് മണ്ണില് നന്നായി ഉറപ്പിക്കണം. തണ്ട് ഇളകിയിരുന്നാല് മുളയ്ക്കാനുള്ള സാദ്ധ്യത കുറയും. കുറഞ്ഞത് ഒരു മുട്ടെങ്കിലും മണ്ണിനടിയിലായിരിയ്ക്കാന് പ്രത്യേകം ശ്രദ്ധിക്കണം. തണ്ടിന്റെ അടിവശം കവറിന്റെ അടിയില് നിന്നും 5 സെ.മീ. എങ്കിലും മുകളിലായിരിയ്ക്കണം. അതുപോലെതന്നെ കവറില് 1-2 സെ.മീ. മുകളില് ഒഴിച്ചുവിട്ടുവേണം പോട്ടിംഗ് മിശ്രിതം നിറയ്ക്കാന്.
കവറുകളില് നട്ടിരിക്കുന്ന വള്ളികള്ക്ക് വേഗത്തില് ഇല പൊഴിയാത്ത മരങ്ങളുടെ ചെറുകമ്പുകള് കൊണ്ട് തണല് നല്കേണ്ടതാണ്. ദിവസവും രണ്ടുനേരം പൂവാളികൊണ്ട് നനച്ചു കൊടുക്കണം. കവറില് വെള്ളം കെട്ടിക്കിടക്കാതിരിക്കാന് ശ്രദ്ധിക്കണം. 3-4 ആഴ്ച കൊണ്ട് തണ്ടുകള് മുളച്ചുതുടങ്ങും. അപ്പോള് പുത ഘട്ടം ഘട്ടമായി മാറ്റാവുതാണ്. മുള വന്നതിനുശേഷവും നഴ്സറി നേരിയ തോതില് നനച്ചുകൊണ്ടിരിക്കണം.
തണല് ക്രമീകരണം
നഴ്സറികള്ക്ക് തണല് നല്കേണ്ടതാണ്. വലിയ നഴ്സറികളില്ڔഇതിനായി മുളകൊണ്ട് പന്തലിടാം. പന്തലിന്റെ വശങ്ങളും മുകള് വശവും ഓലകൊണ്ടു മറയ്ക്കണം. സ്ഥിരമായി നഴ്സറിയുണ്ടാക്കുന്ന സ്ഥലങ്ങളില് ഇരുമ്പുകൊണ്ടുള്ള ഷെഡ്ഡുകള് ഉണ്ടാക്കാം. ആന്തൂറിയം നഴ്സറികളിലെപ്പോലെയുള്ള ഷേഡ് നെറ്റുകള് ഉപയോഗിക്കുകയും ആകാം. തൈകള് മുളയ്ക്കാന് തുടങ്ങിയാല് നഴ്സറിയില് തണല് അല്പ്പാല്പ്പമായി കുറയ്ക്കണം. നട്ട് മൂന്നുമാസം പ്രായമായ തൈകള് തോട്ടത്തില് നടാന് ഉപയോഗിക്കാം.
ദ്രുതപ്രവര്ദ്ധനം
ദ്രുതപ്രവര്ദ്ധനത്തിന് രണ്ടു മാര്ഗ്ഗങ്ങള് അവലംബിക്കാറുണ്ട്.
1. ട്രെല്ലിസ് രീതി
നല്ലപോലെ സൂര്യപ്രകാശം ലഭിക്കുന്ന സ്ഥലമാണ് ഈ രീതിക്ക് അഭികാമ്യം. 50 സെ.മീ. ആഴവും 30 സെ.മീ. വീതിയുമുള്ള ചാലുകള് കീറുക. ഇതില് മേല്മണ്ണും കാലിവളവും നിറയ്ക്കുക. ഒരു മീറ്ററിന് 500 ഗ്രാം എ തോതില് മസ്സൂറി റോക്ക് ഫോസ്ഫേറ്റും ഇടണം. ചാലില് വെള്ളം കെട്ടികിടക്കാതിരിക്കാന് ശ്രദ്ധിക്കണം. കുരുമുളകിന്റെ വേരുപിടിപ്പിച്ച തലകള് ചാലില് നടണം. തൈകള് നായി നനച്ചു കൊടുക്കണം. തലകള് വേരുപിടിച്ചു കഴിഞ്ഞാല് വളം ചേര്ത്തുകൊടുക്കണം. 10:5:5 NPKമിശ്രിതം കുറേശ്ശെ നല്കാം. വള്ളികള് വളരാന് തുടങ്ങുമ്പോള്ڔ45- 60 ഡിഗ്രി ചരിവുള്ള വേലിയില് (ട്രെല്ലിസ് സില്) പടര്ത്തിക്കയറ്റണം. വള്ളികള് ട്രെല്ലിസ്സിനോടുചേര്ത്തു കെട്ടിക്കൊടുക്കുകയും വേണം. നേരെ വളരാത്തതുകൊണ്ട് വള്ളികളില് നിന്ന് കണ്ണികള് പൊട്ടിപ്പുറപ്പെടുന്നല്ല.നല്ലപോലെ പരിപാലിച്ചാല് വള്ളികള് രണ്ടുമീറ്ററിലധികം പടര്ന്ന് കയറും. ഫെബ്രുവരിയില് നനയും വളം ചെയ്യലും നിര്ത്താം. താഴെ 3-4 മുട്ടുകള് ബാക്കി നിര്ത്തി വള്ളികള് നടാം. ഓരോ വള്ളിയില് നിന്നും 10 മുതല് 22 വരെ കഷണങ്ങള് കിട്ടും. ബാക്കി നില്ക്കുന്ന കടകളില് നിന്നും വീണ്ടും വള്ളികള് ഉണ്ടാകുകയും അവ വേരുപിടിപ്പിക്കുന്നതിന് ഉപയോഗിക്കുകയും ചെയ്യാം.
2. മുളയില് കയറ്റുന്ന രീതി
ട്രെല്ലിസ് രീതി പോലെതന്നെ കുരുമുളക് നടുക. 7-8 സെ.മീ. വ്യാസവും 1.5 മീറ്റര് നീളവുമുള്ള പൊളിച്ച മുളക്കഷണങ്ങളാണ് കുരുമുളക് പടര്ത്താന് ഉപയോഗിക്കുന്നത്. മുളയില് കോള്ട്ടാറോ, കരി ഓയിലോ അടിക്കുന്നത് മുളയുടെ ആയുസ്സ് കൂട്ടാന് ഉപകരിക്കും. 15 സെ.മീ. അകലത്തില് 45 ഡിഗ്രി കോണില് ചരിച്ചായിരിക്കണം മുളകള് വെക്കേണ്ടത്. ചാലില് നട്ട കുരുമുളക് വള്ളികള് മുളയില് പടര്ത്തിക്കയറ്റണം.വള്ളികള് വളരാന് തുടങ്ങുമ്പോള് മുളക്കഷണങ്ങളില് പോട്ടിംഗ് മിശ്രിതം നിറയ്ക്കണം. വളരുന്ന വള്ളികള് മുളയോട് ചേര്ത്തുവെച്ച് കെട്ടിക്കൊടുക്കണം. ഇത് ഓരോ മുട്ടും പോട്ടിംഗ് മിശ്രിതത്തോടു ചേര്ന്നിരിക്കാനും മുട്ടുകളില് നിന്ന് വേരിറങ്ങാനും സഹായിക്കും.
തൈകള് പുഷ്ടിയോടെ വളരാന് 1 കി.ഗ്രാം. യൂറിയ, 1 കി.ഗ്രാം സൂപ്പര് ഫോസ്ഫേറ്റ്, 1 കി.ഗ്രാം മ്യൂറേറ്റ് ഓഫ് പൊട്ടാഷ്, 0.75 കി.ഗ്രാം മഗ്നീഷ്യം സള്ഫേറ്റ് എന്നിവ 250 ലിറ്റര് വെള്ളത്തില് കലക്കിയ ലായനി ഓരോ വള്ളിക്കും 1 ലിറ്റര് എന്ന തോതില് രണ്ട് ആഴ്ചയില് ഒരിക്കല് ഒഴിച്ചു കൊടുക്കണം. വള്ളികള് മുളയുടെ മുകളില് പടര്ന്നെത്തിയാല് തലനുള്ളേണ്ടതാണ്. വള്ളിയുടെ താഴ് വശം ഒന്ന് ചതച്ചുകൊടുക്കുകയും വേണം. ഇങ്ങനെ ചെയ്യുമ്പോള് ഓരോ മുട്ടിലും വേര് വരുുന്നു. 7-10 ദിവസം കഴിയുമ്പോള് ഓരൊ മുട്ടുകളുള്ള കമ്പുകള് മുറിച്ചെടുത്ത് നടാന് ഉപയോഗിക്കാം. നടുമ്പോള് വേരുകള് നേരെ താഴേക്ക് വരത്തക്കവിധത്തില് നടുക. മുളയുപയോഗിച്ചുള്ള ഈ രീതിയില് ഒരു വര്ഷത്തില് 1:40 എന്ന തോതില് ചെടിയുടെ വംശവര്ദ്ധന നടത്താന് സാധിക്കും.
ടിഷ്യു കള്ച്ചര്
പാര്ശ്വമുകുളങ്ങളില്നിും ഇലകളില് നിന്നുമാണ് ടിഷ്യു കള്ച്ചര് ചെടികള് ഉത്പാദിപ്പിക്കുന്നത്. ടിഷ്യു കള്ച്ചര് വഴി ഉത്പാദിപ്പിച്ച ചെടികള് നല്ല വിളവുതരുന്നു.
നടാന് പറ്റിയ സ്ഥലം
നല്ല നീര്വാര്ച്ചയുള്ളതും ഒരു മീറ്ററില് കുറയാതെ ആഴമുള്ളതും അല്പം പുളിരസമുള്ളതുമായpH 6 – 6.5) മണ്ണാണ് കുരുമുളകു കൃഷിക്കനുയോജ്യം.
കുഴിയുടെ വലിപ്പം
അന്പത് സെ.മീ. നീളവും വീതിയും അത്രതന്നെ ആഴവുമുള്ള കുഴികളിലാണ് കുരുമുളക് നടുന്നത്. താങ്ങുകാലുകളില് നിന്ന് 30 സെ.മീ. അകലത്തിലായിരിക്കണം കുഴികള് എടുക്കേണ്ടത്. തെങ്ങ്, കവുങ്ങ് മുതലായ വൃക്ഷങ്ങളില് പടര്ത്തുമ്പോള് താങ്ങില് നിന്ന് യഥാക്രമം 1-2 മീറ്റര് അകലത്തില് വേണം കുഴി എടുക്കുവാന്.
നാരു വേരുകളുള്ള തെങ്ങ്, കവുങ്ങ് എന്നീ മരങ്ങള്ക്കു ചുവട്ടില് കൊടികള് നടുമ്പോള് തെങ്ങിന്റെ കടയ്ക്കല് നിന്ന് ഒരു മീറ്റര് അകലത്തിലും കവുങ്ങിന് ചുവട്ടില് നിന്ന് അര മീറ്റര് അകലത്തിലും വേണം കുഴികളെടുക്കാന്. ഈ കുഴിയില് വള്ളിത്തലകള് നട്ടശേഷം വൃക്ഷത്തിന്റെ തടിയില് എത്താനുള്ള നീളം ആകുന്നതുവരെ കുരുമുളക് തണ്ടുകളെ ചെറിയ കമ്പില് പടര്ത്തുക. വള്ളി വേണ്ടത്ര നീളത്തില് പടര്ന്നു കഴിഞ്ഞാല് കൊടിയുടെ ചുവടുമുതല് തെങ്ങിന് തടിയുടെ ചുവടുവരെ തെങ്ങിനു സാധാരണ തടം എടുക്കുതിലും അല്പം കൂടി ആഴത്തില് ഒരു ചാലു കീറുക. വള്ളിത്തണ്ടിന്റെ അറ്റത്തെ ഏതാനും ഇലകളൊഴിച്ച് ബാക്കി എല്ലാം നുള്ളിക്കളഞ്ഞശേഷം കാലില് പതിച്ചുവെയ്ക്കുക. കൊടിയുടെ വളന്നരു അറ്റം മണ്ണിനുമുകളില് തെങ്ങിന് തടിയില് കയറാന് പാകത്തില് കെട്ടിവച്ചശേഷം ബാക്കി ഭാഗം മണ്ണിട്ട് മൂടുക. ഇങ്ങനെ വള്ളിത്തണ്ട് മണ്ണിനടിയിലൂടെ പോകുന്ന ഭാഗത്ത് ഉദ്ദേശം 45 സെ.മീ. വീതിയില് ഒരു വരമ്പു പോലെ മണ്ണ് കോതി പിടിപ്പിക്കുക. വള്ളിത്തല മണ്ണിനടിയിലൂടെ പോകുന്ന സ്ഥലം തിരിച്ചറിയാനാണ് ഇങ്ങനെ ചെയ്യുത്. പിന്നീട് തെങ്ങിന് തടം എടുക്കുമ്പോഴും മറ്റും ഈ സ്ഥലം കിളയ്ക്കാതെ ഒഴിച്ചു വിടണം. കുരുമുളകിനുള്ള വളങ്ങള് ഈ വരമ്പിന് ഇരുവശവും ഓരോ ചെറിയ ചാലു കീറി അതിലിട്ടു കൊടുക്കാം.
തടിവണ്ണമുള്ള മരങ്ങളാണെങ്കില് അതിനുചുറ്റുമായി മൂന്നോ, നാലോ, അതിലധികമോ കുഴികള് എടുത്ത് അതിലെല്ലാം കൊടിത്തണ്ടുകള് നട്ടാല് വളരെ വേഗത്തില് തടി പൊതിഞ്ഞ് കുരുമുളക് പടര്ന്ന് കയറിക്കൊള്ളും.
കുഴികള് തമ്മിലുള്ള അകലം
തനിവിളയായി നടുമ്പോള് വരികള് തമ്മിലും ചെടികള് തമ്മിലും 3 മീറ്റര് അകലം വരത്തക്കവിധത്തിലാണ് കുരുമുളക് നടേണ്ടത്.
നടുന്ന വിധം
കുഴികള് ജൈവവളവും മേല്മണ്ണും ചേര്ത്ത് മൂടണം. കുഴിയുടെ നടുവിലായി കുരുമുളകു നടാം. കവറുകളില് വേരുപിടിപ്പിച്ചിട്ടുള്ള കമ്പുകള് നടാന് കവര് സൂക്ഷിച്ച് കീറി മാറ്റണം. മണ്ണിളകാതെ ഒരു കുഴിയില് വേരുപിടിപ്പിച്ച രണ്ടു കമ്പുകള് വീതം നടാം.
വിളപരിപാലനം
അല്പം ചരിവുള്ള ഭൂപ്രദേശമാണ് കുരുമുളകു കൃഷിക്ക് അനുയോജ്യം. വെള്ളം കെട്ടി നില്ക്കാന് സാദ്ധ്യതയുള്ള നിരപ്പായ സ്ഥലങ്ങള് കഴിവതും ഒഴിവാക്കുകയാണ് നല്ലത്. അതുപോലെതന്നെ തെക്കുപടിഞ്ഞാറന് ദിശയിലേക്ക് ചെരിഞ്ഞിരിക്കുന്ന പ്രദേശങ്ങളും കുരുമുളകു കൃഷിക്ക് യോജിച്ചവയല്ല. വേനല്ക്കാലത്ത് കഠിനമായ വെയില് ഏല്ക്കാന് സാധ്യതയുള്ളതുകൊണ്ടാണ് ഇത്തരം ചെരിവുകള് ഒഴിവാക്കണമെന്ന് നിഷ്ക്കര്ഷിക്കുന്നത്.
സ്ഥലം തെരഞ്ഞെടുത്തു കഴിഞ്ഞാല് അടുത്തപടി താങ്ങുകാലുകള് തയ്യാറാക്കുകയാണ്. കുരുമുളകു നടുന്നതിന് ഒരു വര്ഷം മുമ്പുതന്നെ താങ്ങു കാലുകള് തയ്യാറായിരിക്കണം. കുരുമുളകു കൊടിക്ക് നിവര്ന്നു വളരാനും നല്ല വിളവുല്പാദിപ്പിക്കാനും താങ്ങുകാലുകള് കൂടിയേ കഴിയൂ. സൂര്യപ്രകാശത്തിന് അഭിമുഖമായി കുരുമുളകു വള്ളിയെ ഉയര്ത്തി നിര്ത്തുന്നതില് താങ്ങുകാലുകള്ക്കുള്ള പങ്ക് വലുതാണ്. താങ്ങുകാലുകള് പലതരമുണ്ട്. ആദ്യത്തേത് നമ്മുടെ തോട്ടങ്ങളില് തന്നെയുള്ള വൃക്ഷങ്ങളാണ്. തെങ്ങും കമുകും ഒക്കെ കുരുമുളകു പടര്ത്താന് ഉചിതമായ താങ്ങുമരങ്ങളാണ്. രണ്ടു വിളയില് നിന്നും ഉള്ള ആദായം കിട്ടും എന്ന ഗുണം ഇവയ്ക്കുണ്ട്. രണ്ടു വിളകള്ക്കും നല്കേണ്ട പരിചരണം വെവ്വേറെ നല്കണം.
കുരുമുളക് തനിവിളയായി തോട്ടമടിസ്ഥാനത്തില് കൃഷി ചെയ്യുതാണ് മറ്റൊരു രീതി. ഈ രീതിയില് താങ്ങു കാലുകള് അതിനായി നട്ടുവളര്ത്തിയെടുക്കണം.
താങ്ങുകാലുകള്ക്കു വേണ്ട ഗുണങ്ങള്
താങ്ങുകാലിന്റെ പുറംതൊലി പരുപരുത്തതും പറ്റു വേരുകള്ക്കു പറ്റിപിടിച്ചു വളരാന് സൗകര്യമുള്ളതുമായിരിക്കണം. വേഗത്തില്, അതായത് കൊടിയുടെ വളര്ച്ചയേക്കാള് വേഗത്തില് വളരുന്ന വൃക്ഷങ്ങളായിരിക്കണം താങ്ങുകാലിനുപയോഗിക്കുന്നത്. കൊമ്പുകള് കോതുന്നത് താങ്ങുമരത്തിന്റെ വളര്ച്ചയെ ദോഷകരമായി ബാധിക്കാന് പാടില്ല. കുരുമുളകിനു വരുന്ന രോഗകീടബാധകള് ഏല്ക്കാത്ത തരം വൃക്ഷമായിരിക്കണം താങ്ങുമരമായി ഉപയോഗിക്കുന്നത്.
താങ്ങുകാലിന്റെ വേരുപടലം ആഴത്തിലോന്നടുതായിരിക്കണം. കുരുമുളകിന്റെ വേരുമായി വളത്തിനോ വെള്ളത്തിനോ മല്സരമുണ്ടാകാന് പാടില്ല. മുരിക്ക്, കിളിഞ്ഞില്, മട്ടി, ആഴാന്ത, ശീമക്കൊന്ന, വേപ്പ് എന്നീ മരങ്ങള് താങ്ങിന് നല്ലതായി കണ്ടിട്ടുണ്ട്.
കമ്പു വെട്ടി നടുന്ന കാലുകളാണെങ്കില് ആദ്യ മഴയോടെ തന്നെ നടണം. മഴക്കാലം തുടങ്ങിയതിനുശേഷം താങ്ങുകാലുകള് നട്ടാല് അഴുകിപ്പോകാന് ഇടയുണ്ട്. കാലിന്റെ വണ്ണത്തിനനുസരിച്ചുള്ള കുഴി കമ്പിപ്പാരകൊണ്ടുണ്ടാക്കി അതില് വേണം കാല് നടാന്. കാലുകള് കുറേശ്ശെ നനച്ചു കൊടുത്താല് പെട്ടെന്ന് വേരു പിടിച്ചു കിട്ടും. കഠിനമായി വെയിലടിക്കുന്ന സ്ഥലങ്ങളില് കവുങ്ങിന് പട്ടയോ മറ്റോ കൊണ്ട് കാലുകള് പൊതിഞ്ഞു നിര്ത്താം.
തുറസ്സായ സ്ഥലങ്ങളില് വളരുന്ന ചെടികള്ക്ക് ചെടി ഒന്നിന്100 ലിറ്റര് എന്ന തോതില് 8-10 ദിവസത്തില് ഒരിക്കല് നനച്ചു കൊടുക്കണം. നവംബര്-ഡിസംബര് മുതല് മാര്ച്ച്-ഏപ്രില് വരെയുള്ള കാലത്താണ് നനയുടെ ആവശ്യം. അതുകഴിഞ്ഞാല് മഴക്കാലം വരെ നന നിര്ത്തുന്നത് നല്ലതാണ്. വള്ളി കുറച്ചൊന്ന് വാടി പിന്നീടുള്ള മഴയില് നല്ലപോലെ തളിര്ത്ത് നന്നായി തിരിപിടിക്കുതിന് ഇത് സഹായിക്കുന്നു.
പന്നിയൂര്-1 ഇനം കൃഷിചെയ്യുമ്പോള് നവംബര് -ഡിസംബര് മുതല് മാര്ച്ച് അവസാനം വരെ നനയ്ക്കുകയും മഴ തുടങ്ങുന്നത് വരെ പിന്നീട് നനക്കാതിരിക്കുകയും ചെയ്യുന്നത് കുരുമുളകിന്റെ ഉത്പാദനം 50% വരെ വര്ദ്ധിക്കുമെന്ന് കണ്ടിട്ടുണ്ട്.പന്നിയൂരിലെ കാലാവസ്ഥയില് 8-10 ദിവസത്തിലൊരിക്കല് 100 ലിറ്റര് വെള്ളം ആണ് ശുപാര്ശ ചെയ്തിട്ടുള്ളത്. കൊടിക്കു ചുറ്റും 75 സെന്റി മീറ്റര് വ്യാസത്തില് എടുത്ത തടങ്ങളില് ആണ് വെള്ളം നിര്ത്തേണ്ടത് .ഉണങ്ങിയ ഇലകളിലോ മറ്റോ ഉപയോഗിച്ചു തടത്തില് പുതയിടുന്നതും നല്ലതാണ്.
ചെടി ഒന്നിന് 10 കിലോ ജൈവവളം (ചാണകപൊടി,കമ്പോസ്റ്റ്,പച്ചിലവളങ്ങള് ) മഴക്കാലത്തിനു മുമ്പായി കൊടുക്കുക.
500 ഗ്രാം കുമ്മായം ചെടി ഒന്നിന് നല്കുന്നത് നല്ലതാണ്.
രാസവളപ്രയോഗം
109: 278: 250 ഗ്രാം ചെടി ഒന്നിന്/പ്രതിവര്ഷം (പൊതുവായ ശുപാര്ശ)
109: 278: 333 ഗ്രാം ചെടി ഒന്നിന്/പ്രതിവര്ഷം (പന്നിയൂരും അതുപോലുള്ള സ്ഥലങ്ങളിലും)
304: 306: 458 ഗ്രാം/ ചെടി ഒന്നിന്/പ്രതിവര്ഷം (കോഴിക്കോടും അതുപോലുള്ള സ്ഥലങ്ങളിലും)
രാസവളം രണ്ടു ഘട്ടങ്ങളായിട്ടാണ്കൊടുക്കേണ്ടത്, ആദ്യം മെയ്-ജൂണ് മാസത്തിലും രണ്ടാമത്തേത് ആഗസ്റ്റ് -സെപ്തംബര് മാസത്തിലും നല്കുക. ആദ്യവര്ഷത്തില് മൂന്നില് ഒരുഭാഗവും രണ്ടാം വര്ഷം രണ്ടില് ഒരു ഭാഗവും മൂന്നാം വര്ഷം മുതല് ശുപാര്ശ ചെയ്തിരിക്കുന്ന മുഴുവന് അളവിലും രാസവളം കൊടുക്കേണ്ടതാണ്.
വള്ളിത്തല കെട്ടല്
തണ്ടുകള് വളര്ന്ന് നീളം വെച്ചു തുടങ്ങുമ്പോള്, അവ താങ്ങുകാലുകളോട് ചേര്ത്തുവച്ച് കെട്ടിക്കൊടുക്കണം. ബലം കുറഞ്ഞതും എളുപ്പം ദ്രവിച്ചുപോകുന്നതുമായ നാരുകളായിരിക്കണം ഇതിനായി ഉപയോഗിക്കുന്നത്.
തൈകള് പൊതിഞ്ഞുകെട്ടല്
നേരിട്ട് വെയില് തട്ടുന്ന സ്ഥലങ്ങളില് ആദ്യത്തെ ഒന്ന് രണ്ടുവര്ഷം വേനല്ക്കാലമാകുമ്പോള് ഇളം തണ്ടുകള്ക്ക് പൊള്ളല് ഏല്ക്കാതിരിക്കാന് വേണ്ടി തെങ്ങോലയോ മറ്റോ ഉപയോഗിച്ച് പൊതിഞ്ഞുകെട്ടണം.
ഇടയിളക്കല്
തോട്ടം മുഴുവനോ, കുറഞ്ഞപക്ഷം കൊടികളുടെ ചുവട്ടില് ഒരു മീറ്റര് വ്യാസാര്ദ്ധത്തിലെങ്കിലുമോ വര്ഷത്തില് രണ്ടുതവണ കിളച്ചു കൊടുക്കുന്നത് നല്ലതാണെങ്കിലും വ്യാപകമായ ദ്രുതവാട്ടരോഗം കണക്കിലെടുത്ത് തോട്ടം കിളയ്ക്കാതിരിക്കുന്നതായിരിക്കും ഉത്തമം. കളകള് ചെത്തിയോ പറിച്ചോ മാറ്റാവുന്നതാണ്.
തണല് നിയന്ത്രണം
വേനല്ക്കാലത്ത് തണല് നല്കുകയും വര്ഷക്കാലത്ത് തണല് വൃക്ഷങ്ങളുടെ കമ്പുകള് കോതി നിയന്ത്രിക്കുകയും ചെയ്യേണ്ടത് ആവശ്യമാണ്. വര്ഷാരംഭത്തോടുകൂടി താങ്ങുവൃക്ഷങ്ങളുടെ ശാഖകള് മുറിച്ചുമാറ്റി തണല് ക്രമീകരിക്കുകയും വേണം. ആവശ്യമെങ്കില് തിരിപിടിച്ചതിനുശേഷം ജൂലായ് - ആഗസ്റ്റ് മാസത്തില് രണ്ടാമതൊരിക്കല് കൂടി ചോലയിറക്കേണ്ടതാണ്. തന്മൂലം തോട്ടത്തില് നല്ല സൂര്യപ്രകാശം ലഭിക്കുകയും വായു സഞ്ചാരം ഉണ്ടാവുകയും ചെയ്യും. ഇത് കീടരോഗബാധകള് അകറ്റിനിര്ത്താന് ഒരു പരിധിവരെ സഹായിക്കും.
വിളവെടുപ്പ്
കുരുമുളകിന്റെ വിളവെടുപ്പ് യന്ത്ര സഹായമില്ലാതെ നേരിട്ട് നടത്തണം. എല്ലാവർക്കും അറിയാവുന്നതുപോലെ കുരുമുളകിന് രണ്ടു രീതിയിലാണ് വിപണിയിൽ ആവശ്യക്കാർ- കറുത്തതും വെളുത്തതും കറുത്ത കുരുമുളക് ഉത്പാദിപ്പിക്കുന്നതിന് കുരുമുളകിന്റെ വിളവെടുക്കുന്ന സമയം വളരെ പ്രധാനമാണ്. മഞ്ഞ നിറം വന്നു തുടങ്ങി കുലകൾ പാകമാകുന്ന സമയമാണ് ഇതിനനുയോജ്യം.
വിളവെടുപ്പ് രീതി
രണ്ടു വർഷം കൊണ്ട് കുരുമുളക് ഫലം തരാൻ തുടങ്ങുന്നു. ആദ്യ വർഷം ഫലം വളരെ കുറവായിരിക്കും എന്നാൽ മൂന്നാം വർഷം തുടങ്ങി 500 ഗ്രാം മുതൽ ഒരു കി.ഗ്രാം വരെയും 4-ാം വർഷം മുതൽ ഓരോ ചെടിയും ഒന്നു മുതൽ ഒന്നര കി.ഗ്രാം വരെ കുരുമുളകു തരാൻ തുടങ്ങുന്നു.
കുരുമുളകു മണികൾക്ക് മഞ്ഞനിറം വരാൻ തുടങ്ങുമ്പോൾ വിളവെടുക്കണം. ഒരേ സമയം എല്ലാതിരികളും പാകമാകില്ല അതിന് മൂന്നാഴ്ചമുതൽ ഒരു മാസം വരെ സമയമെടുക്കും.
വിളവെടുത്ത കുരുമുളക് സിമന്റു തറയിൽ നിരത്തിയിടണം നല്ല കാലാവസ്ഥയാണെങ്കിൽ മൂന്നു ദിവസം കൊണ്ട് ഉണങ്ങും. മഴയുള്ള സമയമാണെങ്കിൽ അഞ്ചു ദിവസമെടുക്കും. എന്നാൽ ഏതെങ്കിലും തരത്തിലുള്ള പാത്രത്തിലടച്ചുവക്കേണ്ടതില്ല അത്. കുരുമുളക് ചീയാനിടയാക്കും. തനിയേ ഉണങ്ങാൻ അനുവദിക്കുന്നതാണ് നല്ലത്.
മെതിക്കൽ കുരുമുളക് മണികൾ തിരിയിൽ നിന്നും മറ്റു വസ്തുക്കളൊന്നുമില്ലാതെ വേർതിരിച്ചെടുക്കലാണിത്. ഒരു മെഷീൻ ഉപയോഗിക്കുന്നത് നല്ലതാണ്. അത് തൊഴിൽ വേതനം കുറക്കും.
ഉണങ്ങിയ കുരുമുളകിൽ നിന്നും പാകമാകാത്ത മണികൾ ചേറിയെടുക്കണം. ഇങ്ങനെ ഗുണനിലവാരമുള്ള നല്ലമണികൾ വേർത്തിരിച്ചെടുക്കാം.
ഇതിന് വിപണിയിൽ കൂടുതൽ വില ലഭിക്കും. നേരത്തെ പറഞ്ഞ കനം കുറഞ്ഞ ചേറിയെടുത്ത മണികളും തിരിയുടെ തണ്ടും എല്ലാം ചേർത്ത് പൊടിച്ചാൽ അതിനും വിപണിയിൽ ആവശ്യക്കാരുണ്ട്.
വിളവെടുക്കുന്ന സമയം
ഇന്ത്യയിൽ കുരുമുളകിന്റെ വിളവെടുപ്പ് ജനുവരിയിൽ തുടങ്ങി മാർച്ച് വരെ നീളും ഇതിനെ തുടർന്ന് ബ്രസീലിൽ വിളവെടുപ്പുകാലമാകും വിയറ്റ്നാമിൽ ഇന്ത്യയിൽ വിളവെടുക്കുന്ന സമയത്തു തന്നെയാണ് വിളവെടുപ്പ് വരുന്നത് അത് മെയ് -ജൂലായ് വരെ നീളുകയും ചെയ്യും
സംസ്ക്കരണം, ശുചീകരണം, സംഭരണം
പറിച്ചെടുത്ത് തിരികള് ഒന്നോ രണ്ടോ ദിവസം ചാക്കില് കെട്ടിവയ്ക്കുകയോ കൂട്ടിയിട്ടു മൂടിവയ്ക്കുകയോ ചെയ്തശേഷം ഉതിര്ത്തെടുത്താല് മണികള് വേഗം വേര്പ്പെട്ടുകിട്ടും. ഭൂരിഭാഗം കര്ഷകരും പാദം കൊണ്ടു ചവിട്ടിയാണ് മണി ഉതിര്ത്തെടുക്കുന്നത്. എന്നിട്ടും പൊഴിയാത്തവ കൈവിരല്കൊണ്ട് ഉതിര്ക്കുന്നു. കാലും കൈയ്യും വൃത്തിയാക്കിയശേഷം വേണം മണികള് വേര്പ്പെടുത്തുന്ന ജോലിയില് ഏര്പ്പെടാന്. മെതിക്കുമ്പോള് പാദം പൊട്ടാതിരിക്കാന് വൃത്തിയുള്ള തുണി ഉപയോഗിച്ച് പൊതിയാം.
ഉണക്കല്
വൃത്തിയുള്ള സ്ഥലത്തുവേണം കുരുമുളകുണക്കാന്. ചാണകം മെഴുകിയ കളങ്ങളോ, പനമ്പുകളോ ഉപയോഗിക്കരുത്. ചാണകത്തിനു പകരം ഉലുവയും കടലാസ്സുമുപയോഗിച്ച് പനമ്പും മുറവും മെഴുകാം. കടലാസ്സും ഉലുവയും രണ്ട്-ഒന്ന് എന്ന അനുപാതത്തില് കുതിര്ത്ത് അരച്ചെടുത്ത് മെഴുകാനുപയോഗിക്കാം. മണികള് ഉണക്കുന്നതിനു മുമ്പ് തിളച്ചവെള്ളത്തില് ഒരു മിനിട്ട് മുക്കി വെച്ചശേഷം ഉണക്കുന്നത് നല്ലതാണ്. ഇങ്ങനെ ചെയ്താല് മണികള്ക്ക് നല്ല തിളങ്ങുന്ന കറുപ്പുനിറം ലഭിക്കുുന്നു. മണികള് വേഗം ഉണങ്ങിക്കിട്ടാനും ഈ രീതി സഹായിക്കും. കുരുമുളകിന് പൂപ്പല് ബാധിക്കുന്നതിനേയും ഒരു പരിധി വരെ തടയാന് ഈ രീതി സഹായകമാണ്. ഏറ്റവും വൃത്തിയുള്ള അന്തരീക്ഷത്തിലാണ് കുരുമുളക് ഉണക്കിയെടുക്കേണ്ടത്. വെയിലിന്റെ കാഠിന്യവും അന്തരീക്ഷത്തിലെ ഈര്പ്പവുമനുസരിച്ച് ഉണങ്ങാനുള്ള സമയത്തില് ഏറ്റക്കുറച്ചിലുകള് കാണാം. നല്ലവണ്ണം ഉണങ്ങിയ കുരുമുളകിന്റെ പുറന്തൊലി ചുളിഞ്ഞിരിക്കും. മണിയിലെ ഈര്പ്പം 10-12 ശതമാനമായി കുറച്ചുകൊണ്ടുവരണം. പരിചയസമ്പന്നരായ കൃഷിക്കാര്ക്ക് കൈയില് വാരി നോക്കിയാല് ഉണക്കറിയാം. ഈര്പ്പത്തിന്റെ തോത് കൃത്യമായറിയാന് മോയിസ്ചര് മീറ്റര് ഇന്ന് വിപണിയില് ലഭ്യമാണ്. വന്കിട കര്ഷകര്ക്കും കുരുമുളക് സംരക്ഷണ സമിതികള്ക്കും ഇവ വാങ്ങാവുന്നതേയുള്ളൂ.
ശുചീകരണം
ഉണക്കിയ മുളക് വൃത്തിയാക്കുന്നതും പ്രധാനമാണ്. കുരുമുളകില് കാണുന്ന പൊടി, പൊള്ള്, പതിര് അഥവാ വരക്, ചീര് അഥവാ മൊട്ടുമണി, തിരിയുടേയും ഞെട്ടിന്റെയും അവശിഷ്ടങ്ങള്, തണ്ട്, ഇല എന്നിവയുടെ ഭാഗങ്ങള് ഇവ നീക്കം ചെയ്യണം. ഉണങ്ങിയ മുളക് പാറ്റി വൃത്തിയാക്കണം. പാറ്റുന്നതുകൊണ്ട് പോകാത്ത മാലിന്യങ്ങള് പെറുക്കികളയണം. വൃത്തിയാക്കിയ കുരുമുളക് പോളിത്തീന് ലൈനിംഗുള്ള പുതിയ ചണച്ചാക്കുകളിലാക്കി സൂക്ഷിക്കാം.
കറുത്തകുരുമുളക്
വാണിജ്യാടിസ്ഥാനത്തിൽ കുരുമുളക് ഉത്പാദിപ്പിക്കുന്നതിന് പഴുക്കാത്ത എന്നാൽ വളർച്ചയെത്തിയ കുലകളിൽ നിന്നാണ് മണികൾ ശേഖരിക്കുന്നത്. വിളവെടുത്ത കുലകൾ തവിട്ടു നിറമാവാൻ ആദ്യം കൂട്ടിയിടുന്നു. തുടർന്ന് ഉണക്കാനുള്ള നിലത്ത് മണികൾ തിരിയിൽ നിന്നും അടർത്തി പരത്തുന്നു. വെയിലത്തുണക്കുമ്പോൾ ഇടക്കിടക്ക് ഇളക്കി കൊടുക്കണം. ഒരുപോലെ ഉണങ്ങാനും നിറം ശരിയാവാനും പൂപ്പൽ ബാധിക്കാതിരിക്കാനും ഇതത്യാവശ്യമാണ്. 3-5 ദിവസത്തെ ഉണക്കുകൊണ്ട് ഈർപ്പത്തിന്റെ അളവ് 10-12 ശതമാനം വരെ ആവും.
ഉണക്കുന്നതിനു മുൻപ് കുരുമുളക് തിരികൾ ഒരു മിനിട്ട് തിളച്ച വെള്ളത്തിൽ മുക്കിയെടുക്കുന്നത് വേഗം തവിട്ടു നിറം ആകാനും വേഗം ഉണങ്ങാനും സഹായിക്കും. എല്ലാ മണികളും ഇരുണ്ട കറുപ്പ നിറമായിത്തീരാൻ മാത്രമല്ല പൂപ്പൽ ബാധ ഇല്ലാതിരിക്കാനും ഇത് സഹായിക്കും. കൂടുതൽ സമയം തിളച്ച വെള്ളത്തിലെ പരിചരണം ഇരുണ്ട നിറമാകുന്ന എൻസൈം നിർവീര്യമാകാൻ കാരണമാകും.
വെളുത്ത കുരുമുളക്
വെളുത്ത കുരുമുളക് ഉത്പാദിപ്പിക്കുന്നത് പഴുത്ത തിരിയിൽ നിന്നോ, കറുത്ത കുരുമുളകിനെ മോടി പിടിപ്പിച്ചോ ആണ്. കടും ചുവപ്പു നിറത്തിലുള്ള കുരുമുളക് തിരികൾ വിളവെടുത്ത് മണികൾ വേർപെടുത്തി ഗണ്ണിബാഗുകളിൽ നിറക്കുന്നു. ബാഗുകൾ ഒഴുക്കു കുറഞ്ഞ വെള്ളത്തിൽ ഒരാഴ്ചയോളം താഴ്ത്തി വക്കുന്നു. കുരുമുളകു മണികളുടെ പുറം തൊലി അഴുകി വിട്ടു പോകുന്നു. ബാക്കിയുള്ള പുറം തൊലി ചവിട്ടിയരച്ച് കളഞ്ഞ് നന്നായി കഴുകിയെടുത്ത് വെയിലത്തുണക്കി ഈർപ്പത്തിന്റെ അളവ് 10-12 % ആക്കി കുറച്ച് ക്രീം നിറത്തിലോ വെളുത്ത നിറത്തിലോ ആക്കുന്നു. വെളുത്ത കുരുമുളക് വൃത്തിയാക്കി അരിച്ച് തരം തിരിച്ച് ബാഗുകളിലാക്കുന്നു. 25 കി.ഗ്രാം വെളുത്ത കുരുമുളക് കിട്ടാൻ 100 കി.ഗ്രാം പഴുത്ത കുരുമുളക് തിരികൾ ആവശ്യമുണ്ട്.
മെച്ചപ്പെട്ട സി എഫ് ടി.ആർ ഐ രീതി
പാകമായതും എന്നാൽ പഴുക്കാത്തതുമായ തിരികൾ വിളവെടുത്ത് 10-15 മിനിട്ട് തിളച്ച വെള്ളത്തിൽ വച്ച് പുറം തൊലി മൃദുവാക്കുന്നു. തണുപ്പിച്ചതിനുശേഷം പുറം തൊലി മെഷീൻ ഉപയോഗിച്ചോ അല്ലാതെയോ കളയുന്നു. കഴുകി വെയിലത്തുണക്കി വെളുത്ത കുരുമുളകുണ്ടാക്കുന്നു. ഒരു തരത്തിലുമുള്ള അഴുകൽ രീതിയും പ്രയോഗിക്കുന്നില്ല എന്നതുകൊണ്ട് അസുഖകരമായ മണമൊന്നും ഉണ്ടാകുന്നില്ല. ഗാമ്പ്രദായിക രീതിയിലുണ്ടാക്കുന്ന വെളുത്ത കുരുമുളക് പൊടിച്ചാൽ വെളുത്ത പൊടിയായിരിക്കും ലഭിക്കുക എന്നാൽ ഈ പുതിയരീതിയിൽ ഉത്പാദിപ്പിക്കുന്ന വെളുത്ത കുരുമുളക് പൊടിച്ചാൽ ഇളം തവിട്ടുനിറമായിരിക്കും കാരണം സംസ്കരണ പ്രക്രിയയിൽ അന്നജത്തിന് ജലാറ്റിനൈസേഷൻ സംഭവിക്കുന്നു.
മോഡിപിടിപ്പിച്ച കറുത്ത കുരുമുളക്
വിപണിയിൽ വെളുത്ത കുരുമുളകിന്റെ ലഭ്യത കുറഞ്ഞാൽ കറുത്ത കുരുമുളക് യാന്ത്രികമായി പുറംതൊലിയിൽ വ്യത്യാസം വരുത്തി വെളുത്ത കുരുമുളകുണ്ടാക്കുന്ന രീതിയാണിത്. ഇത് രണ്ടാതരമായാണ് പരിഗണിക്കുന്നത്. വൊളടൈൽ ഓയിലിന്റെ നഷ്ടംവരാതിരിക്കാൻ കൂടുതൽ ശ്രദ്ധ ആവശ്യമുണ്ട്.
നിര്ജ്ജലീകരിച്ച പച്ചകുരുമുളക്
പാകമായ എന്നാൽ പഴുക്കാത്ത കുരുമുളകു തിരി വിളവെടുത്ത് തവിട്ടുനിറം ഉണ്ടാക്കുന്ന എൻസൈം നിർവീര്യമാക്കുന്ന രീതിയാണിത്. കുരുമുളകു തിരികൾ നിയന്ത്രിത സാഹചര്യത്തിൽ ചൂടാക്കി പരമാവധി പച്ചനിറം നിലനിർത്തുന്നു. നിർജ്ജലീകരിച്ച പച്ചകുരുമുളക് കുതിർത്താൽ പറിച്ചെടുത്ത പുതിയ പച്ച കുരുമുളകുപോലെയിരിക്കും. ഉൽപന്നത്തിന്റെ ലഭ്യത എല്ലാ സീസണിലും ഉറപ്പാക്കാം എന്നു മാത്രമല്ല ഒരു വർഷത്തേക്കു വരെ കേടുകൂടാതെയിരിക്കുകയും ചെയ്യും.
ടിന്നിലടച്ച പച്ചകുരുമുളക്
പറിച്ചെടുത്ത പച്ച കുരുമുളക് 20% വീര്യമുള്ള ബ്രിൻലായനിയിൽ സൂക്ഷിച്ച് ചൂട് ഉപയോഗിച്ച് അണുവിമുക്തമാക്കും. നിർജ്ജലീകരിച്ച കുരുമുളകിനേക്കാൾ ഇതിന് മേൻമയുണ്ടായിരിക്കും. നിറമോ ഗുണമോ മണമോ ഒന്നും നഷ്ടമാകുന്നില്ല. എന്നതും ഒരു ഗുണമേന്മയാണ്.
കുപ്പിയലടച്ച പച്ചകുരുമുളക്
പച്ചകുരുമുളക് 20% ബ്രിൻ ലായനി (100 പിപിഎം സൾഫ്യൂരിക്കാസിഡും 0.2% സിട്രിക് ആസിഡും അടങ്ങിയത്) യിൽ കേടുകൂടാതെ വക്കാം. സിട്രിക് ആസിഡിന്റെ അളവ് കൂട്ടിയാൽ തിരികൾ കറുപ്പുനിറമാകാതെയിരിക്കും.
ഉണങ്ങിയ പച്ചകുരുമുളക്
പച്ച ഇളം കുരുമുളകിൽ നിന്ന് പൂർണ്ണമായും ജലാംശം വലിച്ചെടുത്ത് (30%-40%) ൽ വാക്വം പാത്രത്തിൽ ഫ്രീസ്ചെയ്ത് സൂക്ഷിക്കുന്നതാണിത്. നിറവും സുഗന്ധവും ഗുണവും തീരെ നഷ്ടപെടാത്ത ഈ ഉൽപന്നം യാന്ത്രികമായി ഉണക്കിയതോ വെയിലത്തുണക്കിയതോ ആയ കുരുമുളകിനേക്കാൾ വിപണിയിൽ പ്രിയമേറുന്ന ഒന്നാണ്.
കുരുമുളകെണ്ണ
കറുത്ത കുരുമുളക് പൊടിച്ച് നേർത്ത പൊടിയാക്കി നീരാവി ഉപയോഗിച്ച് ഡിസ്റ്റിൽ ചെയ്ത് (2.5-3.5%) വിളറിയ പച്ചനിറമുള്ള എസ്സൻഷ്യൽ ഓയിൽ ഉത്പാദിപ്പിക്കാം പഴകുന്തോറും ഇത് വഴുവഴുപ്പുള്ളതായിത്തീരും. സുഗന്ധമായും രുചിവർദ്ധിപ്പിക്കുന്ന വസ്തുവായും ഇത് ഉപയോഗിക്കുന്നു. വെളുത്ത കുരുമുളകും ഓയിൽ ഉണ്ടാക്കാൻ ഉപയോഗിക്കാം എന്നാൽ ഓയിൽ ലഭ്യത വളരെ കുറവും വെളുത്ത കുരുമുളകിന്റെ കൂടിയ വിലയും ഇത് വാണിജ്യാടിസ്ഥാനത്തിൽ ലാഭകരമില്ലാതാക്കുന്നു.
പെപ്പെര് ഓലിയോറെസിന്
ഓർഗാനിക് സോൾവെന്റുകളായ അസെറ്റോൺ, എത്തനോൾ, ഡൈക്ളോറോഎത്തനോൾ എന്നിവ കറുത്ത കുരുമുളകിൽ ചേർത്തുൽപാദിപ്പിക്കുന്ന എസ്സൻസ്( ഋഃ്മരി) പെപ്പർ ഒലിയോറെസിൻ - ഒരു സുഗന്ധ വ്യജ്ഞനത്തിന്റെ മണവും രുചിയും എല്ലാം തരുന്നു. ഉണങ്ങിയ കുരുമുളകിൽ 4-6% വരെ അടങ്ങിയിരിക്കുന്ന രൂക്ഷ ഗന്ധമുള്ള ആൽക്കലോയ്ഡ് ആയ പിപറൈൻ ഒലിയോറെസീനിൽ 35-50% വരെ അടങ്ങിയിരിക്കുന്നു. പറിച്ച ഉടനെയുള്ള കുരുമുളകുപയോഗിച്ച് ഒലിയോ റെസിൻ ഉത്പാദിപ്പിച്ചാൽ കടുത്ത പച്ച നിറമുള്ള കൊഴുത്ത , കട്ടിയുള്ള രൂക്ഷ സുഗന്ധമുള്ള ഉൽപന്നമാണ് ലഭ്യമാവുക. 1കി.ഗ്രാം ഒലിയോറെസിൻ നിർഗുണമായ അടിസ്ഥാനമുപയോഗിച്ച് ലായനി ഉണ്ടാക്കിയാൽ 15-20 കി.ഗ്രാം വരെ സുഗന്ധ വ്യജ്ഞനത്തിനുപകരം ഉപയോഗിക്കാം.
ജൈവകൃഷി
ജൈവിക രീതിയില് ഉല്പാദിപ്പിച്ച മറ്റ് ഭക്ഷ്യവസ്തുക്കള്ക്കെന്നപോലെ സുഗന്ധവ്യഞ്ജനങ്ങള്ക്കും അന്താരാഷ്ട്രവിപണിയില് പ്രിയം കൂടുതലാണ്. ജൈവിക ഉല്പന്നങ്ങള്ക്ക് കൂടുതല് വില ലഭിക്കുുന്നുണ്ട്. ജൈവകൃഷി ഉല്പന്നങ്ങളുടെ കയറ്റുമതി ഇന്ത്യ തുടങ്ങിക്കഴിഞ്ഞു. കറുത്ത കുരുമുളകും വെള്ളകുരുമുളകും കയറ്റി അയക്കുുന്നുണ്ട്. സ്പൈസസ് ബോര്ഡിന്റെ മൈലാടുംപാറ ഗവേഷണകേന്ദ്രത്തില് നടത്തിയ പഠനങ്ങളില് ജൈവകൃഷിയില് നിന്നുള്ള ആദായം പരമ്പരാഗത കൃഷിരീതികളുമായി താരതമ്യം ചെയ്യാവുന്നതാണെന്ന് കണ്ടിട്ടുണ്ട്. ഇന്ത്യന് ഇന്സ്റ്റിറ്റ്യൂട്ട് ഓഫ് സ്പൈസസ് റിസര്ച്ച് നടത്തിയ പഠനങ്ങളില് പന്നിയൂര് 1 ജൈവകൃഷിരീതിക്ക് ഏറ്റവും യോജിച്ചതാണെു കാണുവാന് കഴിഞ്ഞു. അതത് ഇറക്കുമതി രാജ്യങ്ങള് അംഗീകരിച്ച ഏജന്സികളുടെ സര്ട്ടിഫിക്കറ്റോടെ മാത്രമേ ആ രാജ്യങ്ങളിലേക്കുള്ള കയറ്റുമതി സാദ്ധ്യമാകൂ. വിദേശ രാജ്യങ്ങളുടെ അംഗീകാരമുള്ള ഇന്ത്യന് ഏജന്സികളൊന്നും നമുക്കില്ല. എന്നാല് വിദേശത്തു കേന്ദ്രീകൃതമായ ഒരേജന്സിയുടെ ശാഖ ബാംഗ്ളൂരില് പ്രവര്ത്തിക്കുുന്നുണ്ട്. പരിശോധനയ്ക്കുള്ള ചെലവിന്റെ 50 ശതമാനം ബോര്ഡ് ധനസഹായം നല്കുുന്നുണ്ട്.