Dept of Agriculture Development 
SFAC Kerala
സംസ്കൃതത്തില് പിപ്പലി എന്നറിയപ്പെടുന്ന തിപ്പലി കുരുമുളക് ചെടിയോട് രൂപസാദൃശ്യമുള്ളതും പടര്ന്ന് വളരുന്നതുമായ ഒരു സസ്യമാണ്. ഇംഗ്ലീഷില് ലോങ്ങ്പെപ്പെര് എന്നറിയപ്പെടുന്നു.
ഇന്ത്യയിലെ ഉഷ്ണമേഖലാ പ്രദേശങ്ങളില് കാണപ്പെടുന്നു. തിപ്പലി, വന്തിപ്പലി, ചെറുതിപ്പലി, അത്തിതിപ്പലി, കാട്ടുതിപ്പലി എന്നിങ്ങനെ വിവിധയിനം തിപ്പലികള് കാണപ്പെടുന്നു. സസ്യഭാഗങ്ങള്ക്ക് എരിവ് രസമുണ്ട്. മൂപ്പെത്തിയ തിരികള്ക്കാണ് ഔഷധ മൂല്യമേറെയുള്ളത്. തിരികള് മൂപ്പെത്താന് രണ്ടു മുതല് മൂന്നു മാസം വരെയെടുക്കും. കറുപ്പ് കലര്ന്ന പച്ച നിറമാകുമ്പോഴാണ് പാകം. തിരികള് വെയിലത്തുണക്കിയാണ് വിപണനം ചെയ്യുന്നത്. വേര് പിടിപ്പിച്ച തണ്ടുകള് മഴക്കാലത്ത് കൃഷിസ്ഥലങ്ങളില് നടാം. തണല് ആവശ്യമുള്ള സസ്യം. പഴയ കാലത്ത് തെങ്ങിന് തോപ്പുകളില് ഇടവിളയായി നട്ടു വളര്ത്തിയിരുന്നു.
