കാർഷിക വികസന കർഷക 
എസ് എഫ് എ സി കേരളം
മരത്തിനു പകരമായി റബ്ബര് തടി ഉപയോഗിച്ചു വരുന്നു. സംസ്കരിച്ച റബ്ബര് തടി ഫര്ണിച്ചര് പാനലിംഗിനും, നിലത്ത് ഇടാനും, വീട്ടുപകരണങ്ങള് ഉണ്ടാക്കാനും ഉപയോഗിക്കുന്നു. രാസപ്രക്രിയ കഴിഞ്ഞ് സീസണിംഗ് ചെയ്താണ് റബ്ബര് തടി സംസ്കരിക്കുന്നത്. സാധാരണമായി കോപ്പര്-ക്രോമേ ആര്സെനിക്, കോപ്പര് ക്രോമേ ബോറിക്, ബോറിക് ആസിഡ് എന്ന രാസവസ്തുക്കള് ഉപയോഗിച്ച് ശൂന്യമര്ദ്ദ ഇംപ്രിഗ്നേഷന് സീസണിംഗ് ചൂള രീതിയില് പ്രവര്ത്തിപ്പിച്ചോ, ശൂന്യതയില് ഉണക്കിയോ ആണ് റബ്ബര് തടി സംസ്കരിക്കുന്നത്
ഭക്ഷ്യയോഗ്യമല്ലാത്ത എണ്ണയുടെ ഒരു ചെറിയ സ്രോതസ്സാണ് റബ്ബര്ക്കുരു. മൊത്തം വിത്തു ഭാരത്തിന്റെ 12-16%മാണ് എണ്ണയുടെ അംശം. കാലിത്തീറ്റയില് 20% റബ്ബര്ക്കുരു പിണ്ണാക്ക് ഉപയോഗിക്കാം.
തേനിന്റെ ഒരു സമ്പുഷ്ട സ്രോതസ്സാണ് റബ്ബര്. ഇതിന്റെ ഇലഞെട്ടില് തേന് ഉണ്ടാവും. ഒരു വര്ഷം ഒരു ഹെക്ടര് സ്ഥലത്തുനിന്നും 150 കി.ഗ്രാം തേന് ഉല്പ്പാദിപ്പിക്കാന് കഴിയും. ഇതിന് തോട്ടത്തില് ഹെക്ടറിന് 15 പെട്ടി എന്ന കണക്കില് തേനീച്ചപ്പെട്ടി വയ്ക്കണം.
കൊട്ട പാക്ക് :
മുഴുവനോടെ അടയ്ക്ക ഉണക്കി എടുക്കുന്ന ഉല്പ്പന്നത്തിനു ചാളി അഥവാ കൊട്ടപ്പാക്ക് എന്നാണു പറയുന്നത്. പഴുത്ത അടയ്ക്ക 35-40 ദിവസം വെയിലത്ത് ഉണക്കി തൊണ്ടു കളഞ്ഞ് ഉണക്ക അടയ്ക്കയായി (കൊട്ടപ്പാക്ക്) വില്ക്കുന്നു. ഇതിലെ ശരിയായ ജലാംശം ഏതാണ്ട് 12% ആണ്. ഉണക്കു കുറവായാല് പൂപ്പല്ബാധ വരികയും ഗുണം കുറയുകയും ചെയ്യും. മോട്ടി, ശ്രീവര്ദ്ധന്, ജാംനഗര്, ജിനി എന്നീ പേരുകളില് വലിപ്പം കൂടിയതുമുതല് ചെറുതുവരെ ക്രമമായി കൊട്ടടയ്ക്കയെ തരംതിരിച്ചിട്ടുണ്ട്. കേരളം, കര്ണ്ണാടകം, അസാം, മഹാരാഷ്ട്ര എന്നിവയാണ് ചാളി ഉല്പ്പാദിപ്പിക്കുന്ന സംസ്ഥാനങ്ങള്. പാക്ക് നെടുകെ രണ്ടായി മുറിച്ച് 10 ദിവസത്തോളം വെയിലത്തുണക്കുന്ന രീതി, പാക്ക് വേഗം ഉണങ്ങുവാനും എളുപ്പത്തില് തൊണ്ടുകളയുവാനും സഹായകമാണ്. ഉണങ്ങിക്കഴിഞ്ഞാല് അടയ്ക്ക കുത്തിയെടുത്ത് ഒരിക്കല്കൂടി നന്നായുണക്കുന്നു. പരേഹ എന്നറിയപ്പെടുന്ന ഈ ഉല്പ്പന്നം കേരളത്തിലും കര്ണ്ണാടകത്തിലും പ്രചാരത്തിലുണ്ട്. യന്ത്രത്തില് ഉണക്കിയും ചാളി നിര്മ്മിക്കാം. ഇതുപ്രകാരം 45-750ഇ താപനിലയില് 7-8 ദിവസംകൊണ്ട് 60-70 മണിക്കൂര് നേരം യന്ത്രത്തില് ഉണക്കേണ്ടിവരും. തൊണ്ടു കളയുവാനായി കാസര്കോട്ടുള്ള കേന്ദ്ര തോട്ടവിള ഗവേഷണസ്ഥാപനം വികസിപ്പിച്ചെടുത്ത അടയ്ക്ക പൊതിക്കാനുളള യന്ത്രവും ഉപയോഗിക്കാം. ഇതുപ്രകാരം 8 മണിക്കൂര്കൊണ്ട് ശരാശരി 40 കി.ഗ്രാം ചാളി ഉണ്ടാക്കാന് കഴിയും.
കളി പാക്ക് :
സംസ്കരിച്ച പാക്കിന്റെ മറ്റൊരു ഇനമാണിത്. കേരളവും കര്ണ്ണാടകവുമാണ് കളിപ്പാക്കിന്റെ പ്രധാന ഉല്പ്പാദകര്. മൂപ്പു കുറഞ്ഞ (6-7 മാസം മൂപ്പെത്തിയ) അടയ്ക്ക പറിച്ചു തൊണ്ടു കളഞ്ഞു ചെറിയ കഷണങ്ങളായി അരിഞ്ഞശേഷം വെള്ളത്തില് ഇട്ടു തിളപ്പിച്ചശേഷം 'കളി' പുരട്ടി ഉണക്കിയാണ് ഇത് ഉണ്ടാക്കുന്നത്. (അടയ്ക്ക ചൂടാക്കിയ വെള്ളം നേര്പ്പിച്ചതും അടുത്ത ബാച്ചുകളിലെ അടയ്ക്ക തിളപ്പിക്കാനായി ഉപയോഗിക്കാം). കളിയടയ്ക്കയ്ക്കു നല്ല തിളക്കം കിട്ടാനായി 3-4 ആവര്ത്തി കളി പുരട്ടി ഉണക്കാവുന്നതാണ്. ഇങ്ങനെ മൂന്നു നാല് ആവര്ത്തി അടയ്ക്ക ചൂടാക്കിയശേഷം കിട്ടുന്ന കട്ടിയുള്ള ദ്രാവകമാണ് 'കളി'. ഒരു പാക്ക് എത്ര കഷണമായി മുറിക്കുന്നു. ആകൃതി, വലിപ്പം തുടങ്ങിയ സമ്പ്രദായങ്ങളെ ആധാരമാക്കി കളിപ്പാക്കിനെ വിവിധ പേരുകളില് അറിയപ്പെടുന്നു. മുഴുവന് അടയ്ക്കയ്ക്ക് 'അപി' അഥവാ 'അണ്ടെ' എന്നും നെടുകെ രണ്ടായി മുറിച്ചതിനെ 'ബറ്റ്ലു' എന്നും നെടുനീളത്തില് പല കഷണങ്ങളായി അരിഞ്ഞതിനെ 'ചൂര്' എന്നും നെടുകെയും കുറുകെയും അരിഞ്ഞതിനെ 'പോഡി' എന്നും കനം കുറച്ചു വട്ടത്തില് അരിഞ്ഞതിനെ 'എറേസല്' എന്നുമാണു പറയുന്നത്. പച്ചകാമ്പ് വട്ടത്തില് 5-6 കഷണമാക്കി അരിഞ്ഞു കളി പുരട്ടാതെ ഉണക്കി എടുക്കുന്നതിനെ 'ഐലോണ്' എന്നു പറയുന്നു. കളിപ്പാക്ക് ഉണ്ടാക്കുമ്പോള് പാക്കിലെ ടാനിന്റെ അളവു നല്ലപോലെ കുറയുന്നു. നല്ലതുപോലെ ഉണങ്ങിയ ഇരുണ്ടു തവിട്ടുനിറവും തിളക്കവും ചവയ്ക്കുമ്പോള് തകര്ച്ചയും പാകത്തിനു ചവര്പ്പും ഉള്ളതും മൂപ്പു കൂടിയതുമായ അടയ്ക്കകള് ഒട്ടും ഇല്ലാത്ത കളിപ്പാക്കിനെയാണ് ഏറ്റവും മുന്തിയ തരമായി കണക്കാക്കുന്നത്.
സുഗന്ധ സുപാരി :
ചാളിയില്നിന്നും കളിപ്പാക്കില്നിന്നും സുപാരി ഉണ്ടാക്കാം. ചാളിയില് നിന്നുണ്ടാക്കുന്ന സുപാരിയാണ് കൂടുതല് പ്രചാരത്തിലുള്ളത്. ചാളിയോ കളിപ്പാക്കോ പൊടിച്ചു ചെറിയ നുറുങ്ങുകഷണങ്ങള് ആക്കുകയും, ഇവ സുഗന്ധമസാലകളും സുഗന്ധദ്രവ്യങ്ങളും ചേര്ത്തു യോജിപ്പിച്ച് വെണ്ണക്കടലാസില് (ബട്ടര്പേപ്പര്) പൊതിയുകയും ചെയ്യുന്നു. അടയ്ക്കാ കഷണങ്ങള് ഒരേപോലെ നന്നായി കലര്ത്തുവാനുള്ള എളുപ്പത്തിനു സുഗന്ധവിളകളുടെ പൊടിക്കുപകരം തൈലവും ഉപയോഗിക്കുന്നുണ്ട്. ഇതില് തേങ്ങാക്കൊത്ത് ഉണക്കി ചേര്ത്താല് പൂപ്പല്ബാധ കുറയും. മധുരം കിട്ടാനായി സക്കാരിന് എന്ന പദാര്ത്ഥവും ചേര്ക്കുന്നുണ്ട്. സുഗന്ധ ദ്രവ്യങ്ങളായി റോസിന്റെ സത്തും മെന്തോളും ചേര്ത്തുവരുന്നു.
അടയ്ക്കയിലെ രാസഘടകങ്ങളുടെയും ഉപോല്പന്നങ്ങളുടെയും ഉപയോഗം
ടാനിന്: ടാനിന് അഥവാ പോളിഫിനോളുകള് (കറ) ആണ് അടയ്ക്കയിലെ ഒരു പ്രധാന രാസഘടകം. പൈങ്ങ അടയ്ക്കയില് 30-37%ഉം, പഴുക്ക പാക്കില് 16-22%ഉം ടാനിന് ഉണ്ടാകും. പൈങ്ങയടയ്ക്ക സംസ്കരിക്കുമ്പോള് ഒരു ഉപോല്പന്നമായി കിട്ടുന്ന ടാനിന്, തുണികള്, തോല്, കയര് ഇവയ്ക്കു നിറം നല്കാനം, ഫെറസ് സള്ഫേറ്റുമായി കലര്ത്തി കറുത്ത മഷി ഉണ്ടാക്കുവാനും പ്ലൈവുഡ് നിര്മിക്കാനുള്ള പശയായും ഭക്ഷണവസ്തുക്കള്ക്കു നിറം ചേര്ക്കാനായുമെല്ലാം ഉപയോഗിച്ചുവരുന്നു.
കൊഴുപ്പ്: അടയ്ക്കയില് 8-12% കൊഴുപ്പ് അടങ്ങിയിരിക്കുന്നു. ഹെക്സേന്, ക്ലോറോഫോം തുടങ്ങിയ ലായകങ്ങള് ഉപയോഗിച്ച് ഈ കൊഴുപ്പ് വേര്തിരിച്ചെടുക്കാം. അടയ്ക്കയിലെ കൊഴുപ്പില് മിരിസ്റ്റിക് ആസിഡ് ധാരാളം അടങ്ങിയിരിക്കുന്നു. അതിനാല് മിരിസ്റ്റിക് ആസിഡ് ഉണ്ടാക്കുവാനും അടയ്ക്കയിലെ കൊഴുപ്പ് ഉപയോഗിക്കുന്നു. ക്ഷാരം ചേര്ത്തു ശുചിയാക്കിയെടുത്ത അടയ്ക്കയുടെ കൊഴുപ്പ് ഭക്ഷ്യയോഗ്യവുമാണ്. മധുരപലഹാരങ്ങളില് കൊക്കോ കൊഴുപ്പിനോടൊപ്പം ചേര്ത്തുപയോഗിക്കാം. മധുരപലഹാരങ്ങളും ബിസ്കറ്റും ഉണ്ടാക്കുവാന് വനസ്പതിക്കു പകരമാകും ശുദ്ധീകരിച്ച അടയ്ക്കാ കൊഴുപ്പ് ഉപയോഗിക്കാം.
ആല്ക്കലോയിഡുകള്: അടയ്ക്കയില് 1.5% അരിക്കൊലൈന്, അരിക്കൊലിഡിന്, അരിക്കയിഡൈന്, ഗുവാസിന്, ഐസോഗുവാസിന്, ഗുവാകൊലിഡിന് തുടങ്ങിയ പലതരം ആല്ക്കലോയിഡുകള് അടങ്ങിയിരിക്കുന്നു. ഇതില് 0.24%ത്തോളവും അരിക്കൊലൈന് ആണ്. ഇവയ്ക്കെല്ലാം വിരകള്ക്കെതിരായ പ്രവര്ത്തനശേഷിയുണ്ട്. നാടവിരകള്ക്കും ഉരുളന് വിരകള്ക്കും എതിരെ ഇവ ഫലപ്രദമാണ്. ബാക്ടീരിയകള്ക്കെതിരെയും പ്രവര്ത്തനശേഷിയുള്ള ഈ പദാര്ത്ഥങ്ങള് ഐസ്ക്കെരിക്കിയ കോളിസ്റ്റൈഫലോ കോക്കസ് ടൈഫി, സ്റ്റഫൈലോകോക്കസ് ഓറിയസ് തുടങ്ങിവയുടെ വളര്ച്ചയെ തടയുന്നു. രക്തത്തിലെ പഞ്ചസാരയുടെ അളവു കുറയ്ക്കാന് അരിക്കൊളൈനുള്ള പങ്ക് ആയുര്വേദത്തില് പരാമര്ശിക്കുന്നുണ്ട്
അടയ്ക്ക തൊണ്ട്:
പച്ച അടയ്ക്കയുടെ തൂക്കത്തിന്റെ 60-80% ഭാഗവും അടയ്ക്ക തൊണ്ട് കൈയടക്കിയിരിക്കുന്നു. അടയ്ക്കാതൊണ്ടുകൊണ്ട് ഹാര്ഡ് ബോര്ഡ്, പ്ലാസ്റ്റിക് ബോര്ഡ്, ബ്രൗണ് പേപ്പര് തുടങ്ങിയവ ഉണ്ടാക്കാനുള്ള പല സാങ്കേതികവിദ്യകളും വികസിപ്പിച്ചെടുത്തിട്ടുണ്ട്. അടയ്ക്കാ തൊണ്ട് മൂന്നാഴ്ച വെള്ളത്തില് ചീയിതിനുശേഷം തടികൊണ്ട് അടിച്ചു ശരിയാക്കി വേര്തിരിച്ചെടുക്കുന്ന നാരുകൊണ്ട് കട്ടിയുള്ള ബോര്ഡുകള്, പരുപരുത്ത കുഷ്യനുകള്, നെയ്തുപണിയില്ലാത്ത വസ്ത്രങ്ങള് ഇവ ഉണ്ടാക്കാവുന്നതാണ്. വ്യവസായശാലകള്ക്ക് ആവശ്യമായ ഫര്പുരാല്, സൈറ്റലാസ് എന്നിവയുടെ നല്ലൊരു ഉറവിടമാണ് അടയ്ക്കാ തൊണ്ട്.
അടയ്ക്ക മരവും പാളയും:
കെട്ടിടനിര്മാണത്തിനു കൊള്ളാവുന്നതാണ് അടയ്ക്കാമരം. ഇതിനു നല്ല ഉറപ്പുള്ളതു കാരണം റൂളറുകള്, ഷെല്ഫുകള്, കുപ്പത്തൊട്ടികള് തുടങ്ങി ഒട്ടേറെ വസ്തുക്കള് ഉണ്ടാക്കാന് ഉപയോഗിക്കുന്നു. അടയ്ക്കാമരത്തിന്റെ അകത്തെ നാരുനിറഞ്ഞ ഭാഗങ്ങള് മാറ്റി എടുത്ത കുഴല് പോലുള്ള തടി, നീര്വാര്ച്ചയ്ക്കും ജലസേചനത്തിനും പറ്റിയ കുഴലായും ഉപയോഗിക്കാം. പാള ഉപയോഗിച്ച് ചായപ്പെട്ടി, ഫയല് ബോര്ഡ് തുടങ്ങിയവ ഉണ്ടാക്കുവാനുള്ള വിദ്യകള് കാസര്കോട്ടെ കേന്ദ്രതോട്ടവിള ഗവേഷണ സ്ഥാപനം വികസിപ്പിച്ചെടുത്തിട്ടുണ്ട്. പേപ്പര് പ്ലേറ്റുകള്ക്കു പകരമായി ഉപയോഗിക്കാവുന്ന പ്ലേറ്റുകള്, കപ്പുകള് എന്നിവ കവുങ്ങിന്പാളകൊണ്ട് ഉണ്ടാക്കാന് സഹായകരമായ ഒരു യന്ത്രം മൈസൂരിലുള്ള കേന്ദ്ര ഭക്ഷ്യ സാങ്കേതിക ഗവേഷണസ്ഥാപനം (CFTRI) വികസിപ്പിച്ചെടുത്തിട്ടുണ്ട്.
