വൈഗ 2026: കാർഷിക യന്ത്രവൽക്കരണത്തിൽ ഹരിത ചുവടുവെപ്പ് -കാംകോയുടെ 'വിദ്യുത്' ഇലക്ട്രിക് റിപ്പർ വിപണിയിലേക്ക്.

തിരുവനന്തപുരം: കാർഷിക യന്ത്രവൽക്കരണ രംഗത്ത് അഞ്ച് പതിറ്റാണ്ടിലേറെയായി മുൻനിരയിൽ പ്രവർത്തിച്ചു വരുന്ന കേരള അഗ്രോ മെഷിനറി കോർപ്പറേഷൻ ലിമിറ്റഡ് (കാംകോ) പരിസ്ഥിതി സൗഹ്യദ സാങ്കേതികവിദ്യയിലൂടെ പുതിയ അധ്യായം തുറക്കുന്നു. ഇന്ത്യയിലെ ആദ്യ വിജയകരമായ ഇലക്ട്രിക് റിപ്പർ 'വിദ്യുത്' (KR 120 E) കാംകോ വികസിപ്പിച്ച് വിപണിയിലേക്ക് എത്തിച്ചു. വൈഗ 2026 കാർഷിക മേളയുടെ വേദിയിൽ കൃഷി വകുപ്പ് മന്ത്രി പി. പ്രസാദ് 'വിദ്യുത്' അനാവരണം ചെയ്തു‌. കൃഷി വകുപ്പ് ഡയറക്‌ടർ ശ്രീറാം വെങ്കിട്ടരാമൻ IAS, കാംകോ ചെയർമാൻ സി.കെ. ശശിധരൻ, എം.ഡി ജെയിംസ് ജോസഫ് എന്നിവർ ചടങ്ങിൽ പങ്കെടുത്തു.